William Morgan (eskob)
Reizh pe jener | paotr ![]() |
---|---|
Bro ar geodedouriezh | talvoud ebet, Kembre ![]() |
Anv e yezh-vamm an den | William Morgan ![]() |
Anv-bihan | William ![]() |
Anv-familh | Morgan ![]() |
Deiziad ganedigezh | 1547 ![]() |
Lec'h ganedigezh | Ty Bras Wybrnant ![]() |
Deiziad ar marv | 10 Gwe 1604 ![]() |
Lec'h ar marv | Llanelwy ![]() |
Yezhoù komzet pe skrivet | saozneg ![]() |
Micher | yezhoniour, beleg, troer, Bible translator ![]() |
Karg | Anglican Bishop of Llandaff, Anglican Bishop of St Asaph ![]() |
Bet war ar studi e | St John's College ![]() |
Diplom skol-veur | Doctor of Divinity ![]() |
Relijion | Iliz anglikan ![]() |
![](http://upload.wikimedia.org/wikipedia/commons/thumb/5/5b/BpWilliamMorgan.jpg/220px-BpWilliamMorgan.jpg)
William Morgan (1545 - 10 a viz Gwengolo 1604) eo an den a droas ar Bibl penn-da-benn e kembraeg evit ar wech kentañ. Embannet e voe e droidigezh e 1588. Pouezus e voe an droidigezh-se evit reiñ ur statud uhel d'ar c'hembraeg d'ur mare ma ne oa ket kalz a bouez gantañ ha ma ne veze ket implijet tamm ebet er vuhez ofisiel.
E vuhez
[kemmañ | kemmañ ar vammenn]Ganet e voe William Morgan e Tŷ Mawr Wybrnant, e-kichen Penmachno, en ur familh labourerien-douar. Evel bugale all ar c'hornad e c'hallas tapout deskadurezh, a-drugarez perc'henn an douar labouret ganto, Morys Wyn. Mont a reas William da skolaj Sant Yann e Cambridge goude. Tri bloavezh a dremenas William Morgan er skol-veur, o teskiñ latin, gregach, hebraeg, aramaeg, galleg hag alamaneg.
Anvet e voe da gure e Llanbadarn Fawr e 1572, e Trallwng e 1575 ha e Llanrhaeadr-ym-Mochnant ha Llanarmon Mynydd Mawr e 1578. Er bloavezh-se ivez e voe anvet da brezeger ar skol-veur e Cambridge. D'ar mare ma oa o vevañ e Llanrhaeadr-ym-Mochnant e timezas d'e wreg Catherine hag eno ivez e reas kalz eus e labour treiñ, betek e anvidigezh da eskob Llandaf e 1595. E 1601 e teuas da vout eskob Llanelwy hag eno e varvas e 1604.
E droidigezh
[kemmañ | kemmañ ar vammenn]Gant William Salesbury e oa bet lakaet an Testamant Nevez e kembraeg e 1567 ha, daoust ma oa bet kavet abeg er c'hembraeg implijet gant Salesbury gant lod, e oa aze un diazez talvoudus evit labour treiñ William Morgan. Kregiñ a reas William Morgan da labourat da dreiñ an Testamant Kozh e kembraeg er bloavezhioù 1580 : a-benn 1587 en doa echuet treiñ an Testamant Kozh hag adwelet troidigezh an Testamant Nevez gant Salesbury ; embannet e voe an hollad e 1588.
Meulet e voe labour William Morgan gant lenneien ar mare-hont, evel Siôn Tudur, Siôn Dafydd Rhys, Ieuan Tew ha Morris Kyffin.
Levrlennadur
[kemmañ | kemmañ ar vammenn]- Isaac Thomas, William Morgan a'i Feibl (Gwasg Prifysgol Cymru, Caerdydd, 1988)
- Prys Morgan, Beibl i Gymru (Pwyllgor Dathlu Pedwarcanmlwyddiant Cyfieithu'r Beibl/Gwasg Cambria, 1988) - skrid niverel